MY POEMS-3

எண்பதுகளில் எனது கவிதைகள் -3 

  

1 அடுத்த ஊருக்கு வண்டி தள்ளும் 

    கழைக் கூத்தாடிகள் 

     வழித்துணையாய் நிலவு .

2 நட்சத்திர வெளிச்சத்தில் 

   ஓற்றைப்பாதை முடிகிறது 

   மயானப்புகையில் .

3 வெட்டவெளி 

   பால்பொழியும் நிலவு 

   குழந்தையின் பசிக்குரல்.

4 பெரிதாகிக்கொண்டே வருகிறது 

    தென்னங் கிளையில் 

    ஆட்டின் கடிவாய் .

5 பூர்ணிமை நிலவு 

  பனி விழும் இரவு 

   என் கல்லறையில் நீ .

6  மயானக்கூரை 

   காற்றில் தடதடத்தது 

    ஒப்பாரியின் பிரதிகள் .

MYPOEMS-2

எண்பதுகளில் எனது கவிதைகள் -2

1 .நதி நீரின் மீது 

   மெல்ல மிதந்து வருகிறது 

   அக்கரையின் மணியோசை 

2 .வேகமாய் கீழே செல்லும் 

    தூறல் வரிகள் 

    நகரும் குடைகள் 

3 .நான்குவரி மின்கம்பிகள் 

   வரிசையாய் குருவிகள் 

   எங்கே என் வயலின் ?

4 .நகரத்தின் சாலைகளில் 

   வெளிர் மஞ்சள் புகை

   மின்சார அந்தி .

5 .கற்றை இருட்டில் 

   மனசெல்லாம் வெண்மை

    எங்கோ மல்லிகை .

6 .பௌர்ணமி நிலவுக்கு பயந்து 

    அசையும் மரத்தடியில் 

    ஒளியும் நட்சத்திரங்கள் .

7 . பருந்தின் கை நழுவ 

    விழும் கோழிக்குஞ்சு 

     கீழே முள்பத்தை.